संखुवासभा हत्या प्रकरण : परिवारका एक सदस्य जीवितै भेटिए

एउटै घरमा सुतेका सातमध्ये वृद्धबाहेक अन्य सबै मृत भेटिएका छन् । ८९ वर्षीय बौद्धमान कार्कीका परिवारका ६ जनाको शव फेला परेको हो । 

प्रहरीका अनुसार तेजबहादुर कार्की, उनकी आमा पार्वता कार्की, श्रीमती मनमाया कार्की, बुहारी रञ्जना कार्की, नाति दीपक कार्की र नातिनी गोमा कार्कीको शव फेला परेको हो । 

बौद्धमान भने जीवित रहेको प्रहरीले जनाएको छ । 

तेजबहादुरको शव घरको आँगनमा छ । श्रीमती मनमाया र बुहारी रन्जनाको शव घर नजिकै रहेको खोल्सीमा भेटिएको छ । 

दीपक र गोमाको शव घरदेखि माथि मकैबारीमा भेटिएको वडाध्यक्ष खेमनाथ कट्वालले जानकारी दिए । 

उनका अनुसार मृतकको टाउको ढाडलगायतमा चोट छ । तेजबहादुरका दुई भाइ र छोरा वैदेशिक रोजगारीमा छन् ।