नर्वेको दूतावासमा पसे तालिबान लडाकू, फुटाइदिए रक्सीका बोतल

अफगानिस्तानको राजधानी काबुलमा रहेको नर्वेको दूतावासमा तालिबान लडाकूहरू प्रवेश गरी कब्जामा लिएका छन् । 

त्यहाँ राखिएका रक्सीका सबै बोतल फुटाएपछि मात्र निस्कने उनीहरूले बताएका छन् । दूतावासमा रहेका बच्चाहरूको किताब पनि उनीहरूले च्यातिदिएका छन् । 

इरानमा नर्वेका राजदूत सिगवाल्ड हेगले यसको जानकारी दिएका हुन् । 

दूतावासभित्र तालिबान लडाकूहरूले बन्दूकका साथ प्रवेश गरेको तस्वीर सामाजिक सञ्जालमा खुबै शेयर गरिएको छ । 

यसैबीच तालिबानको कैदबाट छुटेका पत्रकारहले आफूहरूमाथि निकै कुटपिट गरिएको बताएका छन् । तालिबानको हिरासतमा रहेका पाँचमध्ये चारजना पत्रकारलाई रिहा गरिएको छ र उनीहरूले बेस्सरी कुटाइ खाएका छन् । एकजनाले त व्यापक कुटपिटपछि हिँड्न पनि नसकेको पाइएको छ ।