अमेरिकाका राष्ट्रपति जो बाइडनको आदेशमा एफबीआईले सेप्टेम्बर ११ को आक्रमणसम्बन्धी गोप्य दस्तावेज सार्वजनिक गरेको छ । 

दस्तोजमा दिइएको जानकारीअनुसार, आक्रमणमा संलग्न साउदी मूलका दुई आक्रमणकारीलाई साउदी वासणज्यद्रतावासका एक अधिकारी तथा एक गुप्तचर अधिकारीले सहायता गरेका थिए । उनीहरूले आक्रमणकारीलाई खानेकुरा पनि उपलब्ध गराएका थिए । 

एफबीआईको अनुसन्धानले षड्यन्त्रमा साउदी अरब सरकार संलग्न भएको कुनै प्रमाण फेला नपरेको पाइएको छ । 

आक्रमणको २० वर्ष पुगेको अवसरमा आयोजित कार्यक्रममा बाइडन सहभागी हुनुभन्दा केही घन्टाअघि गोप्य दस्तावेजलाई सार्वजनिक गरिएको हो । दस्तावेजमा १६ पृष्ठ छन् । 

आक्रमणमा मारिएका व्यक्तिहरूको परिवारले गोप्य दस्तावेज सार्वजनिक गर्न अमेरिकी सरकारलाई दबाब दिइरहेका थिए । 

सेप्टेम्बर ११ को आक्रमणमा संलग्न १९ आक्रमणकारीमध्ये १५ जना साउदी अरबका थिए । आक्रमणका मास्टरमाइन्ड ओसामा बिन लादेन आफैं साउदी मूलका नागरिक थिए ।