बलिउड अभिनेता कार्तिक आर्यन अहिले सबैभन्दा व्यस्त अभिनेतामध्ये एक हुन् । 

कार्तिकको आगामी चलचित्र ‘धमाका’ नोभेम्बर १९ मा रिलिज हुँदैछ । यसैबीच उनले अर्को चलचित्रको छायांकन पनि शुरू गरेका छन् । 

‘धमाका’मा पत्रकारको भूमिका निभाएका कार्तिक अब ‘शहजादा’ बन्नका लागि तयार छन् ।  

कार्तिक नयाँ चलचित्रको घोषणा गर्दै इन्स्टाग्राममा एउटा फोटो शेयर गरेका छन्, जसमा उनको अनुहार नदेखाएर पछाडिको भाग देखाइएको छ । तस्वीरमा कार्तिक आफ्नो हातमा एउटा बोर्ड समातेका छन्, जसमा लेखिएको छ ‘शहजादा’ । 

यो चलचित्र अल्ल अर्जूनको तेलुगु चलचित्र अला भइकुन्थापुर्रामुलुको रिमेक हो ।