नेकपा एमालेका अध्यक्ष केपी शर्मा ओलीले छिमेकीसँग कतिपय कुरा छलफलको माध्यमबाट टुंगाउन बाँकी रहेको बताएका छन् । आफूहरू सार्वभौम समानताको पक्षमा रहेको उनले बताए ।

शुक्रवार चितवनमा शुरू नेकपा एमालेको दशौं महाधिवेशन उद्घाटन मन्तव्य राख्दै अध्यक्ष ओलीले लिम्पियाधुरालगायत कालापानी क्षेत्रको मिचिएको जमिन फिर्ताका लागि छलफल आवश्यक रहेको बताएका हुन् । 

‘हामी सार्वभौम समानता चाहन्छौं । छिमेकीसँग कतिपय कुरा छलफलको माध्यमबाट टुंगाउन जरुरी छ । लिम्पियाधुरालगायतको भूमि फिर्ता लिएर वास्तविक मित्रता र वास्तविक छिमेकीपन कायम गर्न चाहन्छौं,’ ओलीले भने ।