नेपाली कांग्रेसको १४ औं महाधिवेशन अन्तर्गत शनिवार प्रदेश १ मा भएको मतदानको मतगणना दिउसो १ बजेदेखि गरिने भएको छ ।

कांग्रेस पार्टी कार्यालय मोरङमा बिहान ८ बजेदेखि गर्ने भनिएपनि उमेदवारले प्रतिनिधि नपठाउँदा ढिलो भएको निर्वाचन समितिका प्रमुख भरत थापाले बताए ।

मतगणनाका लागि आचार संहिता बनाइसकेको उनले बताए । उम्मेदवार तथा पार्टीका नेताहरू मतगणना स्थलमा ढिलो मात्रै आएपछि केहि ढिलो भएको उनले प्रतिक्रिया दिएका छन् । 

प्रदेश १ मा १७५२ मत खसेको छ । प्रदेशमा १८०४ मतदाता रहेका थिए । प्रदेश १ मा संस्थापन समूहका उद्धव थापा  र इतर समूहका गुरुराज घिमिरे बिच प्रतिष्पर्धा भएको छ ।

दुवै समूहले प्यानल सहित निर्वाचनमा होमिएका थिए । संस्थापन इतरको राम्रो पटक मानिएको प्रदेश १ मा संस्थापन पक्षले भने नेता कृष्ण प्रसाद सिटौलाको साथ खोजेको थियो । थापा सिटौला समूहका हुन् ।