निर्वाचन प्रयोजनका लागि दल दर्ता हुँदै, हालसम्म कतिले दिए निवेदन ?

स्थानीय तह निर्वाचन प्रयोजनका लागि हालसम्म ४० वटा दलले दर्ताका लागि निवेदन दिएका छन् । 

निर्वाचन आयोगका प्रवक्ता शालिग्राम शर्मा पौडेलले शुक्रवार दिउँसोसम्म ४० दलले निवेदन दिएको बताएका हुन् । 

उनले हाल निर्वाचन आयोगमा १०९ वटा दल दर्ता भएको र फागुन १५ गते भित्र आयोगमा दर्ता भएका दलहरूले स्थानीय तह निर्वाचन प्रयोजनका लागि दल दर्ता गर्न सक्ने कानुनी व्यवस्था भएको पनि स्पष्ट पारे । 

‘स्थानीय तह निर्वाचन प्रयोजनका लागि दल दर्ता गर्ने क्रम जारी छ,’ उनले भने । 

निर्वाचन आयोगमा १०९ वटा दल दर्ता छन् । फागुन १५ गतेसम्म दर्ता भएको राजनीतिक दलहरूले स्थानीय तह निर्वाचनका लागि दल दर्ता गर्न पाउने कानूनी व्यवस्था भएको उनले जानकारी दिए । 

प्रवक्ता शर्माले आयोगले स्थानीय तह निर्वाचनको कामलाई तीव्रताका साथ अघि बढाएको बताए । 

सरकारले स्थानीय तहको निर्वाचन आगामी वैशाख ३० गतेका लागि घोषणा गरेको छ । 

निर्वाचनको सोही मितिलाई मध्यनजर राखेर तयारीको कामलाई अघि बढाएको निर्वाचन आयोगले जनाएको छ ।