प्रधानसेनापति प्रभुराम शर्माले सुनसरीको इटहरीस्थित नं. २ बाहिनी अड्‍डाको निरीक्षण भ्रमण गरेका छन् ।

उनले बाहिनी अड्‍डाको वस्तुस्थिति लगायत फौज तैनाथीको वर्तमान अवस्थाका बारेमा जानकारी लिएका थिए । 

दुई दिने निरीक्षण भ्रमणको क्रममा  प्रधानसेनापति शर्माले धरानस्थित गल्फ कोर्समा आयोजना हुने पाँचौं आमन्त्रण कर्पोरेट गल्फ प्रतियोगिताको उद्घाटन र सैनिक आवासीय महाविद्यालयको निरीक्षण भ्रमणसमेत गर्ने छन् ।