नेपाल मजदुर किसान पार्टीका नेता तथा सांसद प्रेम सुवालले संसदमा अमेरिकाविरुद्ध नारा लगाएका छन् । 

संसद्मा पेश भएको एमसीसी सम्झौताको व्याख्यात्मक घोषणाको छलफलमा सहभागी हुँदै उनले अमेरिकाको साम्राज्यवादी व्यवहारको विश्वभरी विरोध भइरहेको बताए । 

उनले संसद्मा नारा लगाउँदै भने, ‘अमेरिका मुर्दावाद ! एमसीसी सम्झौता चाहिँदैन ।’

एमसीसीमा भएका कतिपय अस्पष्ट विषय व्याख्यात्मक घोषणामा पनि नसमेटिएको सुवालले बताए । 

एमसीसी सम्झौता महाकाली जस्तै कलंकित भएको समेत उनले बताए । 

सरकारले एकतर्फी व्याख्यात्मक घोषणा ल्याएर सरकारलाई ढाँट्ने काम गरेको उनले बताए । 

एमसीसी कार्यान्वयनका क्रममा नेपालीको मृत्यु भएमा कतै उजुरी नलाग्ने भनिएको समेत उनले बताए । 

सम्झौताको समर्थन गर्नेहरू प्रतिगामी र देशद्रोही हुने र विरोध गर्नेहरू प्रगतिशील हुने सुवालको दाबी छ ।