नेकपा (माओवादी केन्द्र)का अध्यक्ष पुष्पकमल दाहाल प्रचण्डले अमेरिकी आर्थिक सहयोग कार्यक्रम एमसीसी अनुमोदन भएसँगै गठबन्धन र सरकार जोगिएको बताएका छन् । अब सरकारको ध्यान चुनाव गराउनेमा केन्द्रित रहने उनले बताए । 

एमसीसी पारित भएको भोलिपल्ट आफ्नै निवासमा पत्रकारहरूसँग कुरा गर्दै प्रचण्डले हिजोदेखि राजनीतिक अन्योलता समाप्त भएको बताएका हुन् । 

‘एमसीसीलई लिएर यौ बहस भए, सबभन्दा बढी माओवादी केन्द्र र म माथि थुप्रै टिप्पणी भए, हिजो निकास दिइयो,’ प्रचण्डले भने, ‘अर्को समीकरण बन्ने हो कि भन्ने थियो । सबै अन्योल अन्त्य भएको छ, गठबन्धन कायम रहन्छ सरकार अगाडि जान्छ र चुनावमा केन्द्रित हुन्छौँ ।’