अमेरिकी सहयोग परियोजना एमसीसी सम्झौता संसदबाट अनुमोदन भएपछि नेपाल कम्युनिस्ट पार्टीका महासचिव विप्लव सक्रिय भएका छन् ।

महासचिव विप्लवले एमसीसीविरुद्ध खरो उत्रिएका सबै नेतासँग भेटवार्ता गरिरहेका छन् ।

यसैक्रममा बिहीवार विप्लवले नेकपा एमाले नेता भीम रावलसँग भेटवार्ता गरेका छन् । रावलनिवास टोखा पुगेर विप्लव र नेता खड्गबहादुर विश्वकर्मा ‘प्रकाण्ड’ले छलफल गरेका हुन् ।

यसअघि विप्लवले एकीकृत समाजवादी पार्टीका नेता झलनाथ खनाल, नेकपा माओवादी केन्द्रका नेता नारायणकाजी श्रेष्ठ, नेपाल मजदुर किसान पार्टी (नेमकिपा) अध्यक्ष नारायणमान विजुक्छेलाई भेटिसकेका छन् ।