एमाले धनुषाको अध्यक्षमा पुनः यादव सर्वसम्मत निर्वाचित

नेकपा एमाले धनुषाको अध्यक्षमा राजकिशोर यादव चयन भएका छन् ।

जनकपुरधाममा बुधवार राति सम्पन्न सातौं जिल्ला अधिवेशनले सर्वसम्मतरूपमा पुनः उनकै अध्यक्षतामा १३५ सदस्यीय जिल्ला कमिटी चयन गरेको हो ।

गठित कमिटीको जिल्ला उपाध्यक्षमा भोला यादव, सचिवमा तेजनारायण यादव, उपसचिव तारालाम बस्नेत र उपसचिवमा श्याम पूर्वे रहेका छन् ।

यसअघि २०७१ सालमा भएको छैठौं जिल्ला अधिवेशनमा पनि यादव नै अध्यक्षमा चयन भएका थिए ।