'ग्राउण्ड'मा कस्तो छ एमालेको स्थिति ? गण्डकी, कर्णाली र सुदूरपश्चिम अध्यक्षले केन्द्रीय कमिटीमा गरे रिपोर्टिङ

नेकपा एमालेको तेस्रो केन्द्रीय कमिटी बैठक काठमाडौंमा जारी छ । बैठकमा प्रदेशमा पार्टीको वर्तमान अवस्थाबारे रिपोर्टिङ भइरहेको छ । 

रिपोर्टिङ गर्दै गण्डकी अध्यक्ष नवराज सापकोटाले पहिले ३९ स्थानमा जित हात पारेको र अन्य पार्टीको गठबन्धन बन्दा पनि एमाले एक्लैले २७ स्थानीय तहमा जित्ने दाबी गरे । 

त्यस्तै कर्णालीमा पहिले २७ ठाउँमा जितेको भन्दै अहिले २९ ठाउँमा जित्ने रिपोर्टिङ गरिएको छ । 

सुदूरपश्चिम प्रदेश कमिटीले अलग-अलग हुँदा ३८ ठाउँमा जितिने र गठबन्धन भएर एमाले एक्लै लड्नुपर्दा २३ ठाउँमा जित्ने दाबी गर्दै रिपोर्टिङ गरेको छ ।

बैठक बिहीवारसम्म चल्नेछ ।