केन्द्रीय अनुसन्धान ब्यूरो (सीआईबी) ले नायिका प्रियंका कार्की पीडित भएकी जनाएको छ ।

सीआईबीका प्रवक्ता प्रहरी उपरीक्षक श्यामकुमार महतोका अनुसार प्रियंका कार्की पीडित भएकी छन् ।

‘उहाँ पीडित देखिनुभएको छ । हामीले अनुसन्धान गरिरहका छौं,’ एसपी महतोले लोकान्तरसँग भने ।

नेपालमा अवैध रहेको क्रिप्टोकरेन्सी कारोबारलाई बढावा दिएको भन्दै चैत ६ गते सीआईबीले सोधपुछ गरेको थियो । सामाजिक सञ्जाल फेसबूकमा तस्वीरसहित विज्ञापन देखिएपछि उनलाई अनुसन्धानको लागि बोलाइएको थियो । 

प्रहरीले अनुसन्धानका लागि उनको मोबाइल समेत जफत गरेको थियो । प्रियंकाले आफ्नो फोटो अर्कैले विना अनुमति प्रयोग गरेको प्रहरीलाई बताएकी छन् ।

सीआईबीले उनको फेसबूक लगायतका विषयमा अनुसन्धान गरिरहेको छ ।