कुनै बेला देशमा ९० हजार नाघेको कोरोनाका सक्रिय संक्रमितको संख्या अहिले ३५० मा झरेको छ । पछिल्लो समय कोरोना संक्रमण घट्दै गएको छ । 

स्वास्थ्य मन्त्रालयका अनुसार पछिल्लो २४ घण्टामा १० जनामा संक्रमण पुष्टि भएको छ । 

४ हजार ६९१ नमूना परीक्षणमध्ये १० जनामा संक्रमण देखिएको हो । 

पछिल्लो २४ घण्टामा कुनै पनि संक्रमितको मृत्यु भएको छैन । हालसम्मको मृत्यु संख्या ११ हजार ९५१ छ । 

मन्त्रालयका अनुसार थप ३४ जना संक्रमणमुक्त भएका छन्  ।