देशभर पछिल्लो २४ घण्टामा १३ जनामा कोरोना भाइरस (कोभिड–१९) संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो समय ३ हजार ८७७ जनाको परीक्षण गर्दा १३ जनामा संक्रमण पुष्टि भएको हो । 

यससँगै नेपालमा पीसीआर विधिबाट गरिएको परीक्षणमा कोरोना भाइरस संक्रमितको संख्या ९ लाख ७८ हजार ६९३ पुगेको छ ।

एन्टिजेन परीक्षण विधिबाट संक्रमितको संख्या १ लाख ४० हजार १७६ रहेको छ । पछिल्लो समय थप २५ जना निको भएका छन् । यससँगै निको हुनेको संख्या ९ लाख ६६ हजार ४२४ पुगेको छ ।

निको हुने दर ९८ दशमलव ७ प्रतिशत रहेको पनि मन्त्रालयले जनाएको छ । 

पछिल्लो समय कोरोनाका कारण कसैको पनि मृत्यु भएको छैन । नेपालमा कोरोनाबाट हालसम्म मृत्यु हुनेको संख्या ११ हजार ९५१ पुगेको छ ।

पछिल्लो समय १ लाख ३८ हजार १८२ जनाले खोप लगाएको पनि मन्त्रालयले जानकारी दिएको छ । हाल सक्रिय संक्रमितको संख्या ३१८ रहेको छ । अहिले होम आइसोलेसनमा ३१४ जना छन् । संस्थागत आइसोलेसनमा ४, आईसीयूमा ४ र भेन्टिलेटरमा १ जनाले उपचार गराइरहेका छन् ।