कांग्रेसको घोषणापत्रमाथि ओलीले गरेको टिप्पणीको गगन थापाले जवाफ दिने

नेपाली कांग्रेसका महामन्त्री गगन थापाले एमाले अध्यक्ष केपी शर्मा ओलीले कांग्रेसको घोषणापत्रमाथि गरेको टिप्पणीको जवाफ दिने भएका छन् । 

स्थानीय तह निर्वाचन घोषणापत्र तयारी समिति संयोजकसमेत रहेका महामन्त्री थापाले बुधवार दिउँसो १ बजे बत्तीसपुतलीमा कार्यक्रम गर्दै त्यसको जवाफ दिने भएका हुन् । 

बत्तीसपुतलीस्थित अनुपम फुडल्याण्डमा  ‘स्थानीय तह निर्वाचन अभियान र सम्पर्क समितिहरूको भूमिका’ बारे कार्यक्रम आयोजना गरिएको छ । सो कार्यक्रममा जवाफ दिने कांग्रेसले जनाएको छ । 

मंगलवार एमाले अध्यक्ष ओलीले कांग्रेसको घोषणापत्र विचार शून्य गाली पुराण भएको र पागलहरूको प्रलाप भनेर टिप्पणी गरेका थिए ।