हाम्रो शरीरका अधिकांश अंग निकै नाजुक हुन्छन् । हामीलाई चोट लाग्यो भने धेरै पीडा महसुस हुन्छ । त्यसैगरी चोट लाग्दा वा काट्दा रगत पनि निस्कन्छ । 

तर, के तपाईंले कहिल्यै सोच्नुभएको छ कि कपाल र नङ काट्दा हामीलाई किन दुख्दैन ? जबकि नङ र कपाल दुवै शरीरको अंग हो । 

हाम्रो शरीरमा हात र खुट्टासहित औसत २० वटा नङहरू हुन्छन्, जो आफैँ बढ्छन्। जब नङ र कपाल धेरै बढ्छ, तब हामीलाई असुविधा महसुस हुन थाल्छ, त्यसैले हामी काट्ने गर्छाैं । 

तर, काट्दा भने हामीलाई दुख्दैन । 

वास्तवमा, तिनीहरू डेड सेल्स अर्थात् मृत कोशिकाहरूबाट बनेका हुन्छन् । नङको बारेमा कुरा गर्दा, तिनीहरू हाम्रो शरीरको विशेष संरचनाहरूमध्ये एक हुन्, जुन छालाबाट पैदा हुन्छ । केराटिन एक प्रकारको निर्जीव प्रोटिन हो, जसकारण हाम्रो नङ बनेको हुन्छ । 

हाम्रो औंलाहरूमा नङको आधार औंलाहरूको छालाभित्र हुन्छ । त्यहीँ नङअन्तर्गतका छाला पनि शरीरको बाँकी भाग जस्तै हुन्छ । यद्यपि, यसमा लचिलो फाइबर पनि हुन्छ ।

नङमुनि छालाका यी फाइबरहरू नङसँग जोडिएका हुन्छन् र नङलाई बलियो रूपमा राख्ने काम गर्छन् । सामान्यतया मानिसको नङ बाक्लो हुन्छ तर छालामुनि हेर्दा जरा धेरै पातलो हुन्छ ।

नङको जरा नजिकको क्षेत्र सेतो रङको हुन्छ, जुन अर्धचन्द्राकार हुन्छ । नङको यो भागलाई ल्यानून भनिन्छ । तपाईं थाहा पाउँदा छक्क पर्नुहुनेछ कि हाम्रो औंलाको नङ हरेक वर्ष करीब २ इन्च बढ्छ।

कपालको कुरा गर्दा उनीहरूको पछाडिको कारण पनि यही हो । त्यसैले कपाल काट्दा पनि दुख्दैन । नङ हाम्रो शरीरको लागि धेरै उपयोगी हुन्छ । यसले हामीलाई चीजहरू छनौट गर्न र कलात्मक काम गर्न मद्दत गर्दछ ।

साथै, हाम्रो कपालले हाम्रो टाउकोलाई बाहिरी वातावरणबाट जोगाउन पनि काम गर्छ । अत्यधिक घाम र गर्मीमा पनि कपालको कारणले हाम्रो टाउको सुरक्षित रहन्छ ।