‘निजी प्रयोजनको खाद्य सामग्रीमा एमालेको नाम जोडेर बदनाम गर्न खोजियो’

नेकपा एमाले इस्मा गाउँपालिकाले निर्वाचनलाई प्रभाव पार्ने गरी निजी प्रयोजनको खाद्य सामग्रीमा एमालेको नाम जोडिएको भन्दै ध्यानाकर्षण भएको जनाएको छ । 

इस्मा गाउँपालिका–६ मा कांग्रेसले खाद्य सामग्री जफत गरेको र सो घटनामा एमालेलाई जोडेर बद्नाम गर्न खोजिएको भन्दै एमालेले ध्यानाकर्षण जनाएको हो । 

एमालेले विज्ञप्ति जारी गर्दै स्थानीय निर्माण व्यवसायी सुजनचन्द्र गौतमले निजी प्रयोजनका लागि खरिद गरेको सामग्री प्रहरी प्रशासनसँगको मिलेमतोमा जफत गरिनु र उक्त विषयमा विनाकारण राजनीतिकरण गर्न खोज्नु संस्कारहीनताको पराकाष्टा भएको जनाएको छ ।