हुम्लामा बिहानैदेखि वर्षा हुँदा मतदान प्रभावित

बिहान ९ बजेसम्म हुम्लाका केही मतदान केन्द्रमा पानी परिरहेको हुनाले मतदान अवरोध भएको छ ।

निर्वाचन आयोगका प्रवक्ता शालिग्राम शर्मा पौडेलले हुम्लाको केही ठाउँमा बिहानैदेखि पानी परिरहेकाले मतदान शुरू हुन नसकेको बताए । 

'हुम्लासहित हिमाली भेगमा पानी परिरहेकाले मतदान सुचारु हुन सकेको छैन, तर अहिले पानी रोकिने सम्भावना रहेकाले त्यहाँ पनि मतदान सुचारु हुँदैछ,' उनले लोकान्तरसँग भने, 'त्यसबाहेक दोलखामा अवरुद्ध भएको एउटा स्थानको मतदान पनि शुरू हुँदैछ ।' 

निर्वाचन शुरु भएको २ घण्टामा कति मत खस्यो भन्ने विवरण अहिलेसम्म नआएको उनले बताए ।