काठमाडौं महानगरपालिकामा मंगलबार बिहान ८ बजेसम्म १ लाख ४५ हजार ३६२ मतगणना सकिएको मुख्य निर्वाचन अधिकृतको कार्यालयले जनाएको छ । कार्यालयका शाखा अधिकृत प्रेमकुमार श्रेष्ठले जसमा बदर मत ५ हजार ६४३ वटा रहेको नियमित प्रेस ब्रिफिङमा जानकारी दिए । 

उनका अनुसार हाल वडा नम्बर १३, १४, १५, १६, १८, १९, २०, २१ र २२ को मतगणना भइरहेको छ । बाँकी वडाको भने अन्तिम परिणाम घोषणा भइसकेको छ।  हालसम्म प्राप्त मतपरिणामअनुसार मेयर पदमा स्वतन्त्र उम्मेदवार बालेन्द्र साहले अग्रता कायमै राखेका छन् । उनले ४९ हजार ३५८ मत पाएका छन् । 

यस्तै एमालेका केशव स्थापितले २९ हजार २८४ तथा काँग्रेसकी सिर्जना श्रेष्ठले ३० हजार ६९  मत पाएकी छन् । यस्तै राप्रपाका उम्मेदवारले ४ हजार ४४७ मत पाएका छन् । 

यस्तै उपमेयरमा एमालेकी सुनिता डंगोलले ५२ हजार ८०९ मत पाएकी छन् । यो मत  साहले मेयर पदमा पाएको भन्दा पनि धेरै मत हो । उपमेयरमा सत्ता गठबन्धनका उम्मेदवार रामेश्वर श्रेष्ठले भने १७ हजार ८८४ मत पाएका छन् । यस्तै राप्रपाका उम्मेदवारको ९ हजार १६१ मत आएको छ ।