यौन दुर्व्यवहारको उजुरी दिने हदम्यादसम्बन्धीको संकल्प प्रस्ताव शुक्रवार संसद सचिवालयमा दर्ता भएको छ । 

राष्ट्रिय सभा सदस्य कमला पन्त प्रस्तावक रहेको सो संकल्प प्रस्तावबारे चाँडै छलफल गर्ने तयारी गरिएको हो । 

प्रस्तावमा बाल यौन दुर्व्यवहारको कसूरमा सजायका लागि उजुरी दिने हदम्यादसम्बन्धी व्यवस्था पूर्णरुपमा हटाउने र अन्यको हकमा बलात्कारको उजुरी दिने हदम्यादसम्बन्धी व्यवस्थामा आवश्यक संशोधन गर्ने उल्लेख गरिएको छ । 

सो प्रस्ताव कार्यव्यवस्थाको आगामी बैठकको कार्यसूचीमा राख्ने तयारी छ ।