कोरोना भाइरसको संक्रमण १४ जनामा देखिएको छ । 

स्वास्थ्य तथा जनसंख्या मन्त्रालयले बिहीवार सार्वजनिक गरेको बुलेटिनअनुसार २ हजार ५९५ जनामा कोरोना परीक्षण गर्दा १४ जनामा मात्र संक्रमण देखिएको छ । 

मन्त्रालयका अनुसार सक्रिय संक्रमितको संख्या १०१ जना रहेका छन् । विगत २४ घण्टामा ८ जना कोरोनाबाट निको भएर घर फर्किएका छन् ।

कोरोना निको हुनेको संख्या ९ लाख ६७ हजार ११० पुगेको छ । निको हुने दर ९८.८ प्रतिशत रहेको मन्त्रालयले जनाएको छ ।

बिहीवार संक्रमणबाट कसैको पनि निधन भएको छैन । शून्य संक्रमित भएको ३६ जिल्ला पुगेका छन् ।

नेपालमा संक्रमण दर १७.२ प्रतिशत छ । नेपालमा प्रति १० लाखमा ३९३.४ को निधन भएको छ । 

बिहीवार १ लाख ४३ हजार ५८२ जनाले कोरोना भाइरस विरुद्धको खोप लगाएका छन् । अहिलेसम्म होम आइसोलेसनमा १०० जना, संस्थागत आइसोलेसन र  सघन उपचार कक्षमा १/१ जना उपचार गराइरहेका छन् ।