देवेन्द्र पौडेललाई सांसदको प्रश्न- नेपालको शिक्षामा विश्वास नभएर छोरीलाई विदेश पठाउनु भएको हो ?

नेकपा एमालेकी सांसद गंगा चौधरी सत्गौवाले नेपालको शिक्षाप्रति विश्वास नभएर छोरीलाई विदेश पठाउनु भएको हो भनेर प्रश्न गरेकी छन् । 

प्रतिनिधि सभामा विनियोजन विधेयकमाथि उठेका प्रश्नको जवाफ दिएपछि मंगलवार प्रतिनिधि सभा बैठकमा पूरक प्रश्न गर्दै चौधरीले शिक्षामन्त्रीले छोरीलाई विदेश पठाएकोबारे प्रश्न गरेकी हुन् । 

‘नेपालको शिक्षा प्रणालीप्रति विश्वास नभएर, नेपालको शिक्षाप्रति विश्वास नभएर छोरी विदेशमा पठाउनु भएको हो ?,’ सांसद चौधरीले प्रश्न गरिन् ।