कांग्रेस केन्द्रीय सदस्य अजयबाबु सिवाकोटीले गभर्नर महाप्रसाद अधिकारीको राजीनामा माग गरेका छन् । बुधवार ट्वीटरमार्फत उनले राजीनामा नदिए सरकारले पदमुक्त गर्नुपर्ने बताएका हुन् । 

‘राष्ट्र बैंकका गर्भनर एम अधिकारी उर्फ महाप्रसाद अधिकारी नेकपा एमालेको केन्द्रीय विभागको सदस्य भएको तथ्य सार्वजनिक भइसकेपछि उनले ढाट्ने छल्नेतर्फ नलागी राजीनामा दिउन्, नत्र उनलाई पदमुक्त गर्न सरकारसँग माग गर्दछु,’ उनले लेखेका छन् । 

गभर्नर अधिकारी एमालेको अर्थ र योजना विभागको सदस्य रहेको बाहिरिएपछि उनीमाथि छानबिन र कारबाही गर्नुपर्ने माग उठेको छ । 

राष्ट्र बैंकका गर्भनर एम अधिकारी उर्फ महाप्रसाद अधिकारी नेकपा एमालेको केन्द्रीय विभागको सदस्य भएको तथ्य सार्वजनिक भइसकेपछि उनले ढाट्ने छल्नेतर्फ नलागी राजीनामा दिउन, नत्र उनलाई पदमुक्त गर्न सरकारसँग माग गर्दछु।

— Ajaya Babu Shiwakoti (@shiwakotiab) July 13, 2022