नेपाल मानव धर्म सेवा समितिले अग्नि तथा एसिड पीडितका छोराछोरीहरूलाई शैक्षिक सामग्री वितरण गरेको छ । समितिले शनिवार सात जना एसिड पीडितका छोराछोरी तथा एक जना एसिड पीडितलाई सामग्री वितरण गरेको हो । 

समितिको कार्यालय गौशालामा आयोजित कार्यक्रमबाट उनीहरूलाई स्टेशनरी वितरण गरिएको समितिका अधिकारीहरूले बताएका छन् ।  

आर्थिक अभावका कारण शैक्षिक सामाग्री किन्न गार्‍हो भइरहेका आमाबुबाका छोराछोरीहरूलाई ६ महिना पुग्ने सामाग्री वितरण गरिएको समितिले जानकारी दिएको छ । 

शिक्षाको ज्योतिबाट कोही बालबालिका पनि बञ्चित हुनु नपरोस् भन्ने उद्धेश्यका साथ समितिले ‘मिसन एजुकेशन’ अभियान पनि सञ्चालन गर्दै आएको छ । जसमा शहरी क्षेत्रका विभिन्न विद्यालयहरूबाट शैक्षिक सामग्री संकलन गरी देशका दुर्गम स्थानमा लगेर शैक्षिक सामग्री वितरण गर्दै आइरहेको छ ।