×

X
Nic Asia
Marvel
Khukuri

लगानी विस्तार गर्दै नगरकोटकै पहिलो होटल 'क्लब हिमालय', के–के थपिँदैछन् सुविधा ?

काठमाडाैं | साउन २३, २०७९

NTC
Argakhanchi Cement
Premier Steels
British college
TVS INSIDE

नगरकोटको पहिलो होटल द क्लब हिमालयले लगानी विस्तार शुरू गरेको छ । 

DHARA
LAxmi BAnk

कोरोना महामारीका कारण थलिएको पर्यटन क्षेत्र तंग्रिँदै गर्दा होटल क्लब हिमालयले लगानी विस्तारको तयारी गरेको हो । 


Advertisment
NMB BANK
RMC TANSEN
NIC ISLAND BOX

क्लब हिमालयले आफ्नो संरचनामा केही सुविधासम्पन्न कोठा थप्न लागेको होटलका सिनियर म्यानेजर कवि डंगोलले लोकान्तरलाई जानकारी दिए । 

उनका अनुसार, नयाँ बनाउन लागिएका कोठा अहिले भइरहेको कोठाभन्दा केही बढी विशेष बन्नेछन् । 


Advertisment
Bizbazar
Saurya island

स्वदेशी तथा विदेशी पर्यटकहरूलाई थप आकर्षित गर्नका लागि होटलले केही थप सुविधामा लगानी गर्न लागेको हो । 

सरकारी तथा गैरसरकारी तवरबाट आयोजना गरिने राष्ट्रिय तथा अन्तर्राष्ट्रिय  सम्मेलनलाई लक्षित गरी छुट्टै भवन बनाउन लागिएको होटलले जनाएको छ ।

Vianet communication
IME BANK INNEWS

कोरोना महामारीका कारण सुस्ताएको पर्यटन क्षेत्र महामारी कम हुँदै जाँदा पुनः चलमलाउँदै जान थालेको छ । 

अबको समयमा पर्यटकको चहलपहल समेत बढ्ने अपेक्षासहित होटल क्लब हिमालयले लगानी विस्तारको तयारी गरेको हो । 

करीब २६ रोपनीमा फैलिएको होटल क्लब हिमालयसँग अहिले विभिन्न भवन (भिल्ला) गरी ३ भवन रहेका छन्, जसमा करीब ७१ वटा फरक–फरक कोठा रहेका छन् । 

होटलले अब एक भवन थप गर्दै त्यसमा करीब ३५ वटा ‘लक्जरियस रुम’ बनाउन लागेको हो । यसका लागि करीब ४० करोड रुपैयाँभन्दा बढी लगानी पर्ने बताइएको छ । 

विशेष प्रकृतिको बनाउन लागिएको यी कोठाहरूमा एउटै कोठामा करीब १ करोड रुपैयाँभन्दा बढी लगानी रहने होटल द क्लब हिमालयले बताएको छ ।

भवन बनाउने र कोठा विस्तार गर्ने काम आगामी भदौबाट शुरू गर्ने तयारी भएको बताइएको छ । ढिलोमा असोजसम्ममा निर्माण शुरू गर्ने तयारीमा यो होटल रहेको छ । 

२७ वर्षपछि ३ थरीका ‘रुम’

होटल क्लब हिमालय नगरकोटकै पहिलो होटल हो । नगरकोटकै ऐतिहासिक तथा चर्चित होटलको रूपमा क्लब हिमालय सञ्चालनमा रहेको छ । 

वि.सं. २०५२ मा उद्यमी योगेन्द्र शाक्यले होटल स्थापना गरेका थिए । 

क्लब हिमालयले आफ्नो सञ्चालनको २७ वर्षसम्म २ थरीका ‘रुम’ सञ्चालन गरिरहेको छ, जसमा ‘स्ट्यान्डर्ड’ र ‘डिलक्स’ रूम सञ्चालनमा रहेका छन् । 

स्थापनाको २७ वर्षपछि भने यस होटलले ३ थरीको ‘रुम’ सञ्चालनमा ल्याउन लागेको हो । शुरूमा ४२ वटा कोठा निर्माण गरी यो होटल सञ्चालनमा ल्याइएको थियो । विभिन्न समयमा लगानी विस्तार गर्दै होटलले अहिले ७१ वटा कोठा सञ्चालन गरिरहेको छ ।

यसमा स्ट्यान्डर्ड,डिलक्स तथा डिलक्स प्रिमियम ‘रूम’ रहेका छन् । यी तीन फरक कोठामा फरक–फरक विशेषता तथा सुविधा पाइन्छ । अब होटलले ‘स्वीट’ वा ‘लक्जरियस’ रूम बनाउन लागेको हो ।

२६ रोपनी जग्गामा फैलिएको यो होटलमा हेलीप्याड, स्विमिङ पुल, लाइब्रेरी र ४ वटा ठूला हल रहेका छन् । 

यस होटलले आफ्नो ‘कम्पाउन्ड’भित्रै अहिले हेलीप्याड रहेको खाली जग्गामा नयाँ भवन बनाउन लागेको हो ।

अब एक वर्षभित्रमा एक सय ६ वटा कोठा पुर्‍याउने लक्ष्यसहित काम भइरहेको होटल हिमालयले जनाएको छ । जसका लागि वातावरणीय मूल्यांकन प्रतिवेदन वन तथा वातावरण मन्त्रालयमा पेश समेत गरिसकेको छ ।

शुरूआती समयमा करीब ५० जनालाई रोजगारी दिएको यस होटलमा अहिले प्रत्यक्षरूपमा १ सय जनाले प्रत्यक्ष रोजगारी पाएका छन् । 

होटलमा कोठा थप भएसँगै जनशक्ति पनि थप गर्ने तयारीमा होटल क्लब हिमालय रहेको छ । 

२७ वर्षको यात्रा

नगरकोटको विकासका लागि होटल हिमालय क्लबले आजभन्दा करीब २७ वर्षअघि एक किसिमको नेतृत्व नै लिएको थियो । 

एक हिसाबले पहिलो होटलको रूपमा यस होटललाई अगाडि बढाएर व्यवसायी शाक्यले अन्य लगानीकर्ताहरूलाई समेत झक्झक्याए । 

त्यसपछि क्रमशः नगरकोटमा अन्य होटलहरू खुलेका हुन् । 

हाल नगरकोटमा साना–ठूला गरी करीब ७० होटलहरू सञ्चालनमा रहेका छन् । 

नगरकोटलाई पर्यटकीय हब बनाउनका निम्ति पनि व्यवसायी शाक्य र होटल क्लब हिमालयले अग्रसरता लिएको चर्चा चल्ने गरेको छ । 

नगरकोटपछि लुम्बिनीमा पनि लगानी 

होटल क्लब हिमालयले लुम्बिनीमा पनि लगानी विस्तार गर्दैछ । लुम्बिनीमा यस होटलले होटल विस्तार गर्न लागेको हो । 

हाल लुम्बिनीमा ‘द लुम्बिनी हब’ बनाइरहेको यस होटलले नयाँ होटलसमेत सञ्चालनमा ल्याउने योजना बनाएको हो । 

नगरकोटमै पनि शाक्यकै अध्यक्षतामा ‘द नगरकोट हब’ निर्माण भइरहेको छ । करीब २४ रोपनी जग्गामा नगरकोट हब निर्माण भइरहेको हो । 

यसमा शाक्यसहित अन्य व्यावसायिक घरानाहरूको लगानी रहेको छ ।

करीब २ अर्ब लगानीमा बन्ने सो हबले नगरकोटलाई सम्पन्न र विकसित गराउने लक्ष्य लिएको लगानीकर्ताहरूको दाबी छ ।

कोरोनालाई भुल्दै पर्यटन

कोरोना महामारीका कारण सबैभन्दा बढी प्रभावित क्षेत्र पर्यटन हो । महामारीपछि होटल तथा पर्यटन क्षेत्र विस्तारै चलायमान बन्दै जान थालेको छ ।

यसबीचमा होटल तथा पर्यटन क्षेत्रमा लगानी आकर्षित हुन थालेको व्यवसायीहरू बताउँछन् । पर्यटनको ‘फ्लो’ बढ्दै जाँदा यस होटलले पनि लगानी विस्तारको तयारी गरेको हो । 

महामारीपछि अहिले यस होटल करीब ६० प्रतिशत अकुपेन्सीमा सञ्चालनमा रहेको छ । होटलका पब्लिक रिलेसन म्यानेजर रोहित मोक्तानले कोभिडपछि अहिले करीब ६० प्रतिशत अकुपेन्सी रहेको बताए ।

उनका अनुसार, पछिल्लो समय शुक्रवार र शनिवार नगरकोटमा आन्तरिक पर्यटकहरूको भीड लाग्ने गरेको छ । 

महामारी कम भएसँगै घुम्ने र रमाउने क्रम फेरि शुरू भएको उनले बताए । 

Maruti inside
TATA Below
NLIC
ncc inside
असोज १९, २०७९

सप्तरीको भारदहस्थित कङ्कालिनी भगवती मन्दिरमा बडादसैँको महानवमीका दिन पशु बलिअन्तर्गत छ सय ६९ राँगाको बलि चढाइएको छ  । पूर्व–पश्चिम राजमार्गसँगै जोडिएको सप्तरीको हनुमाननगर कङ्कालनी नगरपालिका&ndas...

असोज १८, २०७९

म्याग्दीको मालिका गाउँपालिका–३ डाँडागाउँको पुछारमा रहेको टिमुरे खोलामा विदेशबाट फर्केका ३ जना युवाले गरेको रेन्बो ट्राउट माछापालन यस क्षेत्रकै नमूना माछापालन व्यवसाय बनेको छ । कलकल बगिरहने सङ्लो सफ...

असोज १८, २०७९

सुनसरी–मोरङ सिँचाइ आयोजनाको चतरा नहरआसपास फेरि घर–टहरा बनाउने क्रम बढ्न थालेको छ । सात वर्षअघि नियमनकारी निकायले घर–टहरा हटाएर केही वर्ष रोकिएकामा फेरि बनाउने क्रम बढेको हो ।  ...

असोज १७, २०७९

मधेश प्रदेशको राजधानी जनकपुरधाम दशैंको महाअस्ष्टमीका दिन विभिन्न शक्तिपीठमा प्रसाद चढाउनका लागि करिब रु २ करोडको लड्डु बिक्री भएको छ । जनकपुरधाम उद्योग वाणिज्य संघका अध्यक्ष जितेन्द्र महासेठले सोमवार जनकपुरधा...

असोज १९, २०७९

जमाना डिजिटलको छ । युवा पुस्ता नगदरहित भुक्तानी गर्न रुचाउन थालेका छन् । तर, अधिकांश नेपालीलाई बानी पार्न नसक्दा डिजिटल भुक्तानी हुनुपर्ने ठाउँमा पनि नगदै कारोवार भइरहेको छ । पछिल्लो समय सूचना प्रविधिको प्...

असोज १७, २०७९

अर्थतन्त्र संकटउन्मुख भएसँगै सरकारले अत्यावश्यकबाहेकका सामान आयातमा रोक लगाएको करीब ५ महिना भएको छ । गत जेठदेखि सरकारले विलाशी वस्तुका रूपमा सूचीकृत भएका सामानहरूको आयातमा रोक लगाएको हो । जसले गर्दा यसप...

कता हरायो दशैं ?

कता हरायो दशैं ?

असोज १८, २०७९

दशैं नेपाली समाजको पोयो हो । दशैंलाई धार्मिक, आर्थिक र अरू धेरै आयामबाट हेरिए पनि यसको सामाजिक–सांस्कृतिक आयाम चाहिँ फराकिलो छ । सामाजिक सहभाव, सम्बन्ध सौहार्द्धताका कारण दशैं नेपालीको जीवनसंस्कृति ब...

नेताका कन्सिरी तताएका र हेडलाइन बनेका ती जोसिला प्रश्न

नेताका कन्सिरी तताएका र हेडलाइन बनेका ती जोसिला प्रश्न

असोज १८, २०७९

सूर्यबहादुर थापा प्रधानमन्त्री थिए । राप्रपा विभाजन गरेर बनेको जनशक्ति पार्टीको कार्यालय कमलपोखरीमा पत्रकार सम्मेलन आयोजना गरिएको थियो । ठ्याक्कै मिति यकिन नभएपनि २०६१ सालको शुरूतिर हुनुपर्छ । म भर्खर पत्रकारिताम...

मासु खाने पर्व मात्रै हो र दशैं ?

मासु खाने पर्व मात्रै हो र दशैं ?

असोज १५, २०७९

गाउँको दशैं र शहरको दशैं एउटै भए पनि मनाउने ढंग अलग–अलग छ । शहरमा दशैंमा न पिङ हुन्छ, न आत्मियता । गाउँमा परदेशबाट फर्कनेको लर्को, बोका, खसी र च्यांग्राको आवाज, धानका बाला लहलह झुलेका शितल हावा चले...

ad
x