नेपाली काँग्रेसको शेखर कोइराला समूहका युवा तथा बिद्यार्थी नेताहरुले संस्थापनको एकलौटी विरुद्ध ठोस कदम चाल्न आग्रह गरेका छन् । युवा विद्यार्थी नेताहरुले कोइराला समुहका नेताहरुलाई नेतृत्वविरुद्ध रचनात्मक विद्रोह गर्न आग्रह गर्दै त्यसका लागि आफूहरुको पूर्ण साथ रहेको महाधिवेशन प्रतिनिधि निरञ्जन थापाले बताए।

शनिबार महाधिवेशन प्रतिनिधि र उपत्यकाका विभिन्न क्याम्पस ईकाई सभापतिहरुले कोइरालासहित, उपसभापति धनराज गुरुङ, महामन्त्री गगन थापा, नेता अर्जुननरसिंह केसी,डा रामशरण महत, बलबहादुर केसी,सहमहामन्त्रीद्य बद्री पाण्डे, जीवन परियार लगायतलाई यसबारे ध्यानाकर्षण पत्र बुझाएका थिए। आजै कोइराला समूहको नेतृत्व विरुद्ध बैठक पनि बसेको थियो ।