नेकपा एमालेको केन्द्रीय कमिटी बैठक शुक्रवार बस्दैछ ।

बिहीवार सम्पन्न पोलिटब्यूरो बैठकले तय गरेका एजेन्डामाथि छलफल गर्न शुक्रवार र शनिवार केन्द्रीय कमिटी बैठक बस्न लागेको हो ।

पोलिटब्यूरो बैठकले मंसिर ४ गते हुने निर्वाचनको तयारी, उम्मेदवारको छनोट मापदण्ड, अध्यक्ष केपी शर्मा ओलीको राजनीतिक प्रतिवेदन प्रस्तुत गर्ने लगायत एजेन्डा तय गरेको छ ।

बैठकले तय गरेका ११ एजेन्डामा संगठित सदस्यहरूको व्यवस्थापन, परिषद् तथा आयोगको प्रतिवेदन पेश गर्ने लगायत छन् ।

हालै मनोनित भएका केन्द्रीय कमिटी सदस्यको शपथ पनि शुक्रवारै हुने जनाइएको छ ।