सिद्धार्थ राजमार्गअन्तर्गत बुटवल–पाल्पा सडकखण्ड अवरुद्ध भएको छ । पाल्पाको तिनाउँ गाउँपालिका ५ हिउँदे खोलामा सडक भाँसिएपछि बुटवल–पाल्पा सडकखण्ड पूर्णरूपमा अवरुद्ध भएको हो । 

जिल्ला प्रहरी कार्यालय पाल्पाका प्रवक्ता डीएसपी विरेन्द्र थापाका अनुसार वर्षाका कारण झण्डै ४० मिटर सडक भाँसिएको छ । सडक डिभिजन कार्यालय पाल्पासँग समन्वय गरी सडक खुलाउने काम भइरहेको डीएसपी थापाले बताए । भाँसिएको सडकमा डाइभर्सन बनाएर यातायात सुचारु गर्न केही समय लाग्ने बताइएको छ । 

सडक भाँसिएसँगै बुटवलबाट पाल्पातर्फ जाने र पाल्पाबाट बुटवलतर्फ आउने सवारी साधन हिउँदे खोलामै रोकिएका छन् ।