नेकपा (एकीकृत समाजवादी) को सचिवालय बैठकले आसन्न प्रतिनिधिसभा तथा प्रदेशसभाको निर्वाचनमा पाँच दलीय गठबन्धनमा पार्टीको तर्फबाट प्रस्तुत गर्ने दाबीलाई मजबुत ढङ्गले प्रस्तुत गर्ने निष्कर्ष निकालेको छ ।

गठबन्धनका तर्फबाट गठित कार्यदलमा सिट बाँडफाँटको विषयमा भएका प्रगति विवरणबारे छलफल गरिएको बैठकमा वैज्ञानिक र वस्तुपरक ढङ्गले छलफल गरी सिट बाँडफाँटको टुङ्गो लगाउनुपर्ने सुझाव सहभागी नेताहरूले दिएको पार्टीका उपमहासचिव तथा प्रचार विभाग प्रमुख जगन्नाथ खतिवडाले बताए । उनका अनुसार देशभर पार्टी र सङ्गठनको अवस्थाबारे समीक्षा गरिएको छ ।