बाढीबाट प्रभावित पाकिस्तानलाई सरकारले २ करोड रुपैयाँ बराबरको राहत सामग्री प्रदान गरेको छ । भदौ २१ गते बसेको मन्त्रिपरिषद् बैठकको निर्णयानुसार गृहमन्त्रालयले उक्त सामग्री सोमवार पाकिस्तानलाई हस्तान्तरण गरेको हो । 

गृहमन्त्रालयले मित्रराष्ट्र पाकिस्तानमा आएको बाढीबाट धनजनको क्षति भएकोप्रति पनि दुःख व्यक्त गरेको छ । सरकारले बाढीबाट मृत्यु हुनेहरूप्रति श्रद्धान्जली व्यक्त गर्दै शोकसन्तप्त परिवारप्रति समवेदना पनि व्यक्त गरिएको छ । मन्त्रालयका सहसचिव फणिन्द्रमणी पोखरेलद्वारा जारी विज्ञप्तिमा घाइतेहरू शीघ्र स्वास्थ्य लाभको कामना पनि गरेको छ ।