संविधान दिवसको अवसरमा राष्ट्रपति विद्यादेवी भण्डारीले प्रधानमन्त्रीलगायत शीर्ष नेताहरूलाई शितल निवास बोलाइएकी छन् । प्रधानमन्त्री शेरबहादुर देउवालगायत विभिन्न पार्टीका शीर्ष नेता राष्ट्रपतिको निमन्त्रणा मान्न शितल निवास पुगेका छन् । 

त्यसबाहेक, राष्ट्रपति विद्यादेवी भण्डारीले निवर्तमान सांसद, कुटनीतिक नियोगका प्रमुखलगायतलाई शितल निवास आमन्त्रण गरेको राष्ट्रपतिका स्वकीय सचिव भेषराज अधिकारीले बताए । 

‘सम्माननीयज्यूले संविधान दिवसको अवसरमा विशेष कार्यक्रम आयोजना गरेर शीर्ष नेताहरूलाई बोलाउनुभएको हो’, अधिकारीले भने, ‘कतिपय नेताहरू आइसक्नुभएको छ । कतिपय आउनेक्रममा हुनुहुन्छ ।’