नेकपा माओवादी केन्द्रका उपमहासचिव वर्षमान पुनले राष्ट्रपति विद्यादेवी भण्डारीले नागरिकता विधेयक प्रमाणीकरण नगरेर निर्वाचन बिथोल्ने षड्यन्त्र गरेको आरोप लगाएका छन् । 

उनले बुधवार सामाजिक सञ्जाल फेसबूकमा लेखेका छन्, ‘नागरिकता विधेयक प्रमाणीकरण नगर्नु एकातिर संविधानको घोर उल्लंघन हो भने अर्कोतिर नागरिकलाई राव्यविहीन बनाउने अमानवीय कार्य हो । सचेत रहौं र संयमित बनौं । निर्वाचन बिथोल्ने षड्यन्त्रको अंग पनि हो यो घटनाक्रम ।’

संसदबाट दोस्रोपटक पारित भएर गएको नागरिकता विधेयक राष्ट्रपतिले प्रमाणीकरण नगरेपछि निष्क्रिय भएको छ । 

नागरिकता विधेयक प्रमाणीकरण नभएपछि पक्ष र विपक्षमा मतहरू प्रकट भइरहेका छन् । माओवादी केन्द्रका नेता पुनले सार्वभौम जनताको प्रतिनिधि संस्थाले संसदले नेपाली नागरिकका सन्तानलाई नागरिकता दिने गरी पास गरेको विधेयक प्रमाणीकरण नगरेर राष्ट्रपतिले संविधानको उल्लंघन गरेको टिप्पणी गरेका छन् ।