अर्घाखाँचीमा नेकपा एमालेले पुरानै उम्मेदवारलाई दोहोर्‍याएको छ ।

प्रतिनिधि सभातर्फ पार्टी सचिव टोपबहादुर रायमाझी र प्रदेशसभा (१) केन्द्रीय सदस्य चेतनारायण आचार्य र (२) मा लुम्बिनी प्रदेश सचिवालय सदस्य रामजीप्रसाद घिमिरेलाई उम्मेदवार बनाएको हो ।

जिल्लाबाट ३ जनाको एकल सिफारिस भएको थियो । रायमाझी, आचार्य र घिमिरे २०७४ सालमा पनि निर्वाचित भएका थिए । 

यसअघि माओवादीबाट ३ पटक चुनाव जितेर ‘ह्याट्रिक’ गरेका रायमाझी एमालेबाट पहिलोपटक उम्मेदवार बनेका हुन् । प्रतिनिधि सभातर्फ एउटा मात्र निर्वाचन क्षेत्र रहेको अर्घाखाँचीमा गठबन्धनबाट कांग्रेसले टिकट पाउने छ । यो क्षेत्रमा कांग्रेस केन्द्रीय सदस्य तथा निवर्तमान उपसभामुख पुष्पा भुसाल उम्मेदवार बन्ने सम्भावना बलियो छ ।