स्याङ्जाको २ नम्बर प्रतिनिधिसभा निर्वाचन क्षेत्रमा प्रतिनिधिसभा सदस्यमा नेपाली कांग्रेसका केन्द्रीय उपसभापति धनराज गुरुङले अग्रता लिएका छन् ।

उनले निकटतम प्रतिद्वन्द्वी नेकपा एमालेकी पद्माकुमारी अर्याललाई ६५४ मतान्तरले पछि पारेका छन् ।
 
निर्वाचन अधिकृत रामचन्द्र शर्माका अनुसार हालसम्म कांग्रेसका गुरुङले ३ हजार ९०१ मत प्राप्त गरेका छन् भने एमाले उम्मेदवार अर्यालले ३ हजार २४७ मत प्राप्त गरेकी छन् ।

स्याङ्जा–२ मा बुधवार रातिदेखि मत गणना शुरू भएको हो । हालसम्म गल्याङ नगरपालिको वडा नम्बर ६ र ७ तथा भीरकोट नगरपालिकाको वडा नम्बर ५, ६,  ७ र ८ को मतगणना सकिएको छ । 

क्षेत्र नम्बर २(१) मा कांग्रेस उम्मेदवार भोजराज अर्यालले ४ हजार ८३ मत प्राप्त गरेका छन् । एमालेका मोहन रेग्मीले ३ हजार ३२९ मत प्राप्त गरेका निर्वाचन अधिकृत शर्माले जानकारी दिए ।

दुवैबीचको मतान्तर ७५४ रहेको छ । निर्वाचन सम्पन्न भएको १० दिनपछि स्याङ्जा–२ मा मतगणना शुरू भएको हो ।