राष्ट्रिय प्रजातन्त्र पार्टीको संसदीय दलको नेतामा अध्यक्ष राजेन्द्र लिङदेन चयन भएका छन् । मंगलवार पार्टी कार्यालय धुम्बाराहीमा बसेको बैठकले लिङदेनलाई संसदीय दलको नेता चयन गरेको प्रवक्ता मोहन श्रेष्ठले जानकारी दिए । 

लिङदेन राप्रपा संसदीय दलको नेतामा सर्वसम्मत चयन भएका हुन् । 

उनी झापा क्षेत्र नम्बर ३ बाट प्रतिनिधि सभा सदस्यमा निर्वाचित भएका थिए । यसअघि २०७४ सालको निर्वाचनमा उनी राप्रपाबाट निर्वाचन जित्ने एक्ला सांसद थिए । यसपटकको निर्वाचनमा भने राप्रपाले प्रत्यक्षतर्फ सात र समानुपातिकतर्फ सात सिट जितेको छ ।