चौधरी ग्रुपले गत वर्षदेखि नेपाली बजारमा बिक्री वितरण गर्दै आइरहेको युरोपको टप होम अप्लायन्सस ब्रान्ड बेकोका उत्पादनहरू ढुक्कका साथ खरिद गर्न ग्राहकहरूलाई आग्रह गरेको छ। 

चौधरी ग्रुपद्वारा वितरित बेकोका सम्पूर्ण उत्पादनहरुमा शत प्रतिशत पार्ट्स उपलब्ध र आफ्टर सेल्स सर्भिसको ग्यारेन्टी दिएको छ। कम्पनीले नेपाल देशैभर आफ्ना ४० वटा सर्भिस सेन्टरहरूबाट यो सेवा निरन्तर दिइरहेको छ। बेकोका उत्पादनहरुमा १२ वर्ष सम्मको पार्ट्स वारेन्टी रहेको जनाइएको छ।           

र हालै कम्पनीले यो जाडो मौसमलाई लक्षित गर्दै 'वेलकम विन्टर' नामक योजना पनि नेपाली बजारमा सार्वजनिक गरेको छ। उक्त योजनाअन्तर्गत ग्राहकहरूले बेको ब्राण्डका जाडो मौसममा प्रयोग हुने समानको  खरिदमा आकर्षक उपहारहरू प्राप्त गर्न सकिने जनाएको छ।

जसअनुसार वाशिङ मेसिन र वाशर ड्राएरको खरिदमा ६ केजीको सर्फ एक्स्सेल म्याटिक वाशिङ पाउडर उपहार पाइने छ भने डिसवासरको खरिदमा २ प्याकेट फोर्चुन डिसवासर ट्याब्लेट उपहार पाइने जनाइएको छ। साथै एअर कन्डिसनरको खरिदमा ४ हजार रुपैयाँ बराबरको फ्री इन्स्ट्लेसन पनि पाइने जनाइएको छ। 

उक्त योजना यही मंसिर १५ गतेदेखि सीमित अवधिका लागि लागू गरिएको छ ।

बेको ब्राण्डको आधिकारिक बिक्रेता चौधरी ग्रुपले सिजी इलेक्ट्रोनिक्सअन्तर्गत सिजी ईओएल रहेको छ । सिजी इलेक्ट्रोनिक्सले सम्पूर्ण नेपाली ग्राहकहरूलाई सीजी डिजिटल शोरुम तथा आफ्नो फराकिलो बिक्रेता सञ्जालमार्फत उत्कृष्ट सेवा र अनुभव प्रदान गरिरहेको छ ।

कम्पनीका सीजी डिजिटल शोरुमहरू काठमाडौंभित्र टंगाल, कुमारीपाटी, भक्तपुर राधेराधे, कीर्तिपुर, रविभवन, हात्तीगौंडा, त्रिपुरेश्वर, नयाँबजार, बसुन्धारा, जोरपाटी र काठमाडौंबाहिर इटहरी, हेटौंडा, भरतपुरमा रहेका छन्।