नेकपा एमालेले बागमती प्रदेशकी पूर्वमुख्यमन्त्री तथा एमाले उपाध्यक्ष अष्टलक्ष्मी शाक्यलाई उपराष्ट्रपति उम्मेदवार बनाउने निर्णय गर्दा सत्ता गठबन्धनको १० दल भने अनिर्णित भएको छ।  

आज बसेको १० दलीय सत्ता गठबन्धन यसबारेमा कुनै टुंगो पुगेन। 

तर बालुवाटारमा बसेको बैठकपछि पुरुष उम्मेदवार उठाउँदा खारेज हुने डर भएकाले झालाई उम्मेदवार बनाउन लागिएको जनमत पार्टीका अध्यक्ष सीके राउतले बैठकपछि बताए। 

शनिबार बिहान बालुवाटारमा बसेको बैठक उपराष्ट्रपतिको उम्मेदवारबारे केन्द्रित भए पनि कुनै पनि सहमति जुट्न नसकेको जनमत पार्टीका अध्यक्ष सीके राउतले जानकारी दिएका हुन् ।

बैठकपछि जनमत पार्टीका अध्यक्ष सीके राउतले भने, '१० दलको बैठक बस्यौं । उपराष्ट्रपतिको उम्मेदवारबारे छलफल  भयो । निर्वाचन आयोगले नै महिला उम्मेदवार उठाउनुपर्छ भनेको छ । हामीले पनि महिला उठाउनुपर्छ भनेपछि रिस्क नलिने भएका हौं ।  निर्वाचन आयोगले संविधानको धारा ३८ (४) लाई कोट गरेको छ ।

निर्वाचन आयोगले राष्ट्रपति पुरुष भएपछि उपराष्ट्रपति महिला हुनुपर्छ भनेकाले जनमतले ममता झालाई उम्मेदवार बनाउनले उनले बताए। 

'जसपाले पनि दर्ता गर्नेछ । भोलिसम्ममा यसबाट निष्कर्ष निस्केर एउटा मात्रै उम्मेदवार कायम हुनेछ,' राउतले बताए।