आईसीसी क्रिकेट विश्वकप लिग २ को महत्वपूर्ण खेलमा नेपालले यूएईलाई २४९ रनको लक्ष्य दिएको छ। 

त्रिवि क्रिकेट मैदानमा टस जितेर ब्याटिङ रोजेको नेपाल ४ बल बाँकी छँदा अलआउट भयो। 

खराब शुरूआत गरेको नेपालले ४.३ ओभरमा १२ रन जोड्दा महत्वपूर्ण २ विकेट गुमाइसकेको अवस्था थियो। त्यस्तै २८ ओभरमा महत्वपूर्ण ४ विकेट गुमाउँदा नेपालले मात्र १०० रन बनाएको थियो। 

तर नेपालका लागि रोहितले आठौं अर्धशतक प्रहार गर्दै इनिङ उकासेका थिए। योसँगै उनी नेपालबाट सर्वाधिक एक दिवसीय अर्धशतक बनाउने खेलाडी पनि बने।

रोहित ७७ रन जोडेर आउट भए। उनले ११२ बलमा ९ चौका प्रहार गरे। त्यसअघि भीम सार्की २९ रन जोडेर आउट भएका थिए। उनले ३७ बल ४ चौका प्रहार गरे। कप्तान रोहितसँग उनले ५४ रनको साझेदारी गरे। 

नेपालले ओपनर आशिफ शेखलाई शून्य रनमै गुमाएको थियो। रोहितसँगको मिलेर आरिफ शेखले ४३ रन बनाए भने गुलसानले झाले आज उत्कृष्ट प्रदर्शन गरे। उनले ३२ बलमा ३७ रन बनाए। यस क्रममा उनले ३ छक्का र १ चौका प्रहार गरे। 

आज कुशल भुर्तेल मात्र ८ रनमा आउट भए। 

आजको खेलमा नेपालले ज्ञानेन्द्र मल्ल र करण केसीलाई टिममा राखेको छैन । उनीहरूका ठाउँमा गुल्सन झा र ललित राजवंशीले टिममा स्थान बनाएका छन् । 

आजको खेल जिते नेपालको एकदिवसीय मान्यता जोगिनेछ ।

यूएईलाई पनि आजको नजित्दा एकदिवसीय मान्यता यही प्रतियोगिताबाट जोगाउन कठिन पर्नेछ ।