नेपालका भीम सार्कीले यूएईविरुद्धको खेलमा अर्धशतक पूरा गरेका छन् । उनको अर्धशतकसँगै नेपालले १५० रनको आँकडा पार गरेको छ। 

भीमले ६० बलमा अर्धशतक पूरा गरेका हुन्। उनले यो समाचार तयार पार्दासम्म ८ चौका प्रहार गरेका छन्। 

टस जितेर ब्याटिङ गरेको यूएईले नेपालसामु ३१० रन बनाएको थियो। यस क्रममा उनले ६ विकेटको क्षतिमा यो योगफल तयार पारेको थियो। 

नेपालका कुशल भुर्तेलले पनि ३२ बलमा अर्धशतक बनाएर आउट भएका थिए।  

त्रिवि क्रिकेट मैदानमा ३११ रनको लक्ष्य पछ्याउने क्रममा खराब शुरूआत गरे पनि आईसीसी क्रिकेट विश्वकप लिग टुअन्तर्गत नेपालका कुशल भुर्तेलले अर्धशतक पूरा गरेका थिए। 

नेपालले ७ ओभर नपुग्दै ३ विकेट गुमाएको नेपालले यूएईविरुद्ध अहिले भने केही सम्हालिएको प्रदर्शन गरेको छ।  

यसअघि नेपालका ओपनर ब्याटर आशिफ शेख खाता नखोली आउट भएका थिए भने कुशल मल्ल ५ बलमा ५ रन बनाएर आउट भएका थिए। त्यस्तै ​कप्तान रोहित पौडेल पनि १६ रनमै पेभेलियन फर्केका थिए।  

आईसीसी लिग डिभिजन २ अन्तर्गतको आजको अन्तिम खेलमा यूएईलाई हराउन सके नेपालले विश्वकप छनोटमा सीधै स्थान बनाउनेछ भने हारे नामिबिया विश्वकप छनोटमा प्रवेश गर्नेछ ।