जनमत पार्टीले नेकपा (माओवादी केन्द्र)का शिवचन्द्र कुशवाहालाई पार्टी प्रवेश गराएको छ ।

मंसिर ४ गते सम्पन्न प्रतिनिधिसभा निर्वाचनमा कुशवाहा झण्डै ३५४ मतले पराजित भएका थिए ।

रामसहाय यादव उपराष्ट्रपति निर्वाचित भएपछि बारा–२ मा हुन लागेको उपनिर्वाचनमा उम्मेदवार बनाउन जनमतले कुशवाहालाई पार्टी प्रवेश गराएको हो ।

बारा–२ बाट जसपा अध्यक्ष उपेन्द्र यादवले चुनाव लड्ने तयारी गरेका छन् ।

मधेशीको मुक्तिका लागि सीके राउतसँग सहकार्य गर्न लागेको कुशवाहा बताए ।