वाणिज्य बैंकहरूले ब्याजदर घटाउँदा शेयर बजारमा उछाल आएको छ ।

बुधवार विहान १ प्रतिशतले ब्याजदर घटाउने बैंकर्स संघको निर्णय आउँदा शेयर बजार भने ९२ अंकले बढेको छ । बजार बुधवार एकैदिन ४.९३ प्रतिशतले बढेर १९६३.५५ विन्दूमा पुगेको छ । 

बजार बढेका कारण बुधवार ६१ लाख कित्ता शेयरको ४७ सय पटक भएको कारोवारबाट १ अर्ब ९७ करोड रुपैयाँको कारोवार भएको छ । बजार बढेका कारण एकैदिन ५ कम्पनीको शेयर मूल्यमा सकारात्मक सर्किट लागेको छ । आज बजार बढेको दिन पनि ३ वटा कम्पनीले भने १.९९ प्रतिशतसम्मले गुमाएका छन् । 

शेयर बजारमा उछाल आएका कारण सबै उपसमूहको सूचक सकारात्मक छन ।

आज सबैभन्दा बढी कमाउनेमा वित्तीय क्षेत्र रहेको छ । यो क्षेत्रको उपसूचक ६.८४ प्रतिशतले बढेको छ । आज सबैभन्दा कम कमाउनेमा म्युचुअल फण्ड उपसमूह छ । यसको शेयर मूल्य आज २.८७ प्रतिशतले बढेको छ ।