नेपाली कांग्रेसका महामन्त्री गगन थापाले नक्कली भुटानी शरणार्थी बनाएर ठगी गर्न खोज्ने भीआईपी जालो उजागर हुँदै गएको बताएका छन् । 

यो प्रकरणमा गृह प्रशासनले प्रशंसनीय प्रयास गरेको भन्दै थापाले संलग्न जुनसुकै ओहदा र शक्तिको भए पनि कानूनभन्दा माथि नहुने बताएका छन् । 

‘नक्कली भुटानी शरणार्थी बनाएर लैजाने ठगी प्रकरणको अनुसन्धानका क्रममा  ‘ठगी  गिरोहको भीआईपी जालो’उजागर हुँदै गएको छ। यो प्रकरणमा गृह प्रशासनको प्रयास प्रशंसनीय छ’  थापाले भनेका छन्, ‘यो घटना होइन प्रवृत्ति हो । अझै गहिरोसँग अनुसन्धान होस् । कोही नछुटुन् । संलग्न जोसुकै, जुनसुकै ओहदा र शक्तिको होस्, कानून भन्दा माथि कोही हुँदैन।’

यो प्रकरणमा नेकपा एमाले सचिव टाेपबहादुर रायमाझी उनका छोरा, उपराष्ट्रपति कार्यालयका सचिव टेकनारायण पाण्डे मुछिएका छन् । टोपबहादुरको छोरा सन्दीप र सचिव पाण्डे भने पक्राउ परिसकेका छन् ।