बीबीसीकी एंकर लुक्वेसा बुराकले गरेको एउटा रमाइलो गल्तीको भिडियो क्लिप भाइरल भइरहेको छ । 

बुधवार उनले कार्यक्रम चलाइरहँदा एकछिनका लागि पहिल्यै रेकर्ड गरिएको क्लिप देखाइएको थियो । त्यही मौकामा बुराकले आफ्ना दुवै हात उचालेर तन्काएकी थिइन् ।

तर उनले हात तन्काउँदै गर्दा लाइभ फीडमा उनी देखिइन् । त्यो थाहा पाएपछि उनी लज्जान्वित भएकी थिइन् । 

सर्बियाको विद्यालयमा भएको गोलीकाण्डमा मारिएका नौजनाको सम्झनामा कार्यक्रम राखिएको विषयमा समाचार सिध्याएर अर्को सेग्मेन्टमा जाने तयारी बुराकले गरिरहेकी थिइन् । 

त्यसक्रममा ब्यागपाइपका विषयमा पहिल्यै रेकर्ड गरिएको एउटा समाचारको क्लिप देखाइएको थियो । तर अनपेक्षित रूपमा क्यामराहरूले स्टुडियोमा रहेकी लुक्सेवालाई प्रत्यक्ष प्रसारणमा देखाएका थिए । 

त्यतिखेर उनी ओके भन्दै आफ्नो हात मास्तिर तन्काइरहेकी थिइन् । 

आफू प्रत्यक्ष प्रसारणमा रहेको थाहा पाएपछि बुराकले तत्कालै हात झारेर डेस्कमा रहेको नोट हेर्न थालेकी थिइन् । कैयौं सेकेन्डसम्म उनी मौन रही डेस्कमा घुरेर हेरेकी थिइन् । 

सामाजिक सञ्जाल प्रयोगकर्ताहरूले बुराकको समर्थनमा सन्देश पठाइरहेका छन् । 
 

So this just happened on BBC News 😁 pic.twitter.com/T8ca7VY4Co

— Brexitshambles (@brexit_sham) May 4, 2023