सत्ता गठबन्धनले प्रधानन्यायाधीश नियुक्तिको विषयमा छलफल गरेको छ । लामो समयसम्म सर्वोच्च कामु प्रधान्यायाधीशको भरमा चलिरहेको बेला सत्ता गठबन्धनले यसबारेमा वरिष्ठ कानुनविज्ञहरुसँग छलफल गरेको हो । 

प्रधानमन्त्रीको सरकारी निवास बालुवाटारमा शनिबार सत्ता गठबन्धनले वरिष्ठ कानुनविद्हरुलाई बोलाएर यसबारेमा आवश्यक परामर्श लिएको माओवादी केन्द्र संसदीय दलका प्रमुख सचेतक हितराज पाण्डेले जानकारी दिए । 

‘सर्वोच्च अदालतको प्रधानन्यायाधीश अहिलेसम्म पनि कामु भइरहेको अवस्था छ । त्यसकारणले त्यो समस्याहरुलाई कसरी हल गर्ने भन्नेबारेमा वरिष्ठ कानुनविज्ञहरुसँग छलफल भएको छ’, बैठकपछि उनले भने । 

यस्तै बैठकमा संसदमा विचाराधीन अवस्थामा रहेका विभिन्न विधेयकलाई कसरी अघि बढाउने भन्नेबारे पनि कानुनविद्हरुसँग परामर्श भएको उनको भनाइ छ ।