अमेरिकी सरकारले धर्म र धर्मान्तरणका  बारेमा हालै निकालेको रिपोर्टबारे चासो राख्दै सरकारले अमेरिकालाई एक नोट पठाएको छ । प्रधानमन्त्री प्रचण्डले शनिबार संसदमा बोल्दै नेपालस्थित अमेरिकी दूतावासमार्फत अमेरिकी सरकारलाई नोट पठाइएको जानकारी दिएका हुन् । 

‘यो के हो भनेर नेपाल सरकारको तर्फबाट गम्भीर ध्यानाकर्षणसहित अमेरिकी दूतावासमार्फत अमेरिकी सरकारलाई नोट पठाइसकिएको छ’, प्रधानमन्त्री प्रचण्डले भने । 
नेकपा एमालेका सांसद योगेश भट्टराईले धर्म र धर्मान्तरणका सन्दर्भमा अमेरिकी रिपोर्टका सन्दर्भमा सरकार किन मौन बसेको भनेर प्रश्न गरेपछि प्रचण्डले स्पष्ट पारेका हुन्  । उनले यसमा भारतलाई समेत जोडिएको बताएका थिए ।