पूर्व प्रधानमन्त्री डा. बाबुराम भट्टराईले पूरै मन्त्रिमण्डल धार्मिकस्थल जाँदा त्यो राजनीति हुने र प्रश्न उठ्ने बताएका छन् ।

शनिवार प्रधानमन्त्री पुष्पकमल दाहाल ‘प्रचण्ड’सहित मन्त्रीहरू पशुपतिनाथ मन्दिर गएपछि डा. भट्टराईले यस्तो टिप्पणी गरेका हुन् ।

उनले ट्विटरमा लेखेका छन्, ‘नयाँ ‘सांस्कृतिक क्रान्ति’ र ‘सांस्कृतिक नक्सा’ ? एक्लै कोही कुनै धार्मिकस्थल जाँदा प्रश्न उठाउन मिल्दैन; त्यो उसको निजी आस्थाको कुरा हो तर जब पूरै मन्त्रिमण्डल एकैसाथ जान्छ तब त्यो राजनीति हुन्छ र प्रश्न उठ्छ ।’

प्रधानमन्त्री प्रचण्ड केही दिनअघि भारतको उज्जैनस्थित महाकालेश्वर मन्दिर गएका थिए । त्यहाँबाट फर्किएपछि प्रचण्ड शनिवार पशुपतिनाथ मन्दिर गएका छन् ।