कात्तिक २२, २०८०
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
बुटवल | असार ७, २०८०
गुल्मीको चन्द्रकोट गाउँपालिकाका अध्यक्ष युवराज खत्री क्षेत्रीलाई यसअघिका जनप्रतिनिधिले चढ्दै आएको गाडी मन परेन ।
लु १ झ ४६६ नम्बरको बोलेरो गाडी छाडेर खत्रीका लागि लु १ झ ७७२ नम्बरको नयाँ गाडी किनिएको छ । त्यसका लागि गाउँपालिकाले ५८ लाख रूपैयाँ खर्च गर्यो ।
गाउँपालिकाका प्रमुख प्रशासकीय अधिकृत विष्णुप्रसाद भुसालले पुरानो गाडी कार्यालय प्रयोजनका लागि प्रयोग भएको र नयाँ गाडी अध्यक्षले चढ्दै आएको बताए ।
‘हाम्रो पालिका ग्रामीण क्षेत्रमा पर्छ,’ भुसालले भने, ‘पुरानो गाडी अनुगमनका लागि प्रयोग भइरहेको छ, नयाँ गाडी अध्यक्षज्यू चढ्नुहुन्छ ।’
खत्री नेकपा माओवादी केन्द्रबाट निर्वाचित गाउँपालिका अध्यक्ष हुन् । चन्द्रकोट बाग्लुङको दक्षिणी भेगसँग जोडिएको पालिका हो ।
****
नवलपरासी (बर्दघाट सुस्तापश्चिम) को प्रतापपुर गाउँपालिकाले पनि गएको वैशाखदेखि ५९ लाख रूपैयाँ खर्चेर स्कोर्पियो एस फाइभ नामक लु ३ च ७३५३ नम्बरको गाडी किनेको छ । पुरानो लु १ झ ३७० नम्बरको गाडी मर्मत खर्च धेरै आएको भन्दै नगरसभाको १२ औं बैठकबाट निर्णय गराएर गाउँपालिकाका अध्यक्ष उमेशचन्द्र यादवका लागि नयाँ गाडी किनेको हो ।
यादव नेपाली कांग्रेसबाट निर्वाचित अध्यक्ष हुन् । ३७० नम्बरको गाडी मर्मतमा गाउँपालिकाको २० लाख र बिमा कम्पनीको २० लाख गरी ४० लाख रूपैयाँ खर्च भयो ।
गाउँपालिकाका प्रमुख प्रशासकीय अधिकृत चिरञ्जीवी घिमिरेले लाखौं रूपैयाँ खर्चिएर गाडी मर्मत गरी सञ्चालनमा आए पनि राम्रोसँग नचलेपछि नयाँ गाडी किनिएको बताए ।
‘पुराना गाडी दुर्घटना भएपछि खर्च थामिनसक्नु आउँदा नयाँ गाडी किन्नका लागि गएको कात्तिकदेखि प्रक्रिया अघि बढाएका थियौं,’ घिमिरेले भने, ‘नयाँ गाडी अध्यक्षज्यू चढ्नुहुन्छ । पुरानो गाडीचाहिँ नगर प्रहरीले प्रयोग गर्छन् ।’
घिमिरेले थपे, ‘हामी मितव्ययी छौं । अप्ठ्यारो परिस्थितिमा पनि गाडी किन्न बाध्य भएका हौं ।’
पालिकामा अहिले चारवटा गाडी सञ्चालनमा छन् ।
****
कपिलवस्तुको मायादेवी गाउँपालिकाले पनि एक वर्षअघि नयाँ गाडी खरिद गरेको छ ।
अघिल्लो कार्यकालका अध्यक्ष बजरंगी चौधरी चढ्ने लु १ झ ४०० नम्बरको स्कोर्पियो गाडी अज्ञात समूहले आगजनी गरेको बहानामा पालिकाले नयाँ गाडी थपेको हो ।
नयाँ किनिएको लु १ झ ६७२ नम्बरको गाडी अहिले गाउँपालिकाका प्रमुख प्रशासकीय अधिकृत परमेश्वर यादव चढ्छन् ।
‘अघिल्लो अध्यक्ष चढ्ने गाडी कामै नलाग्ने गरी अज्ञात समूहले आगजनी गरेपछि नयाँ गाडी किनिएको रहेछ,’ यादवले भने, ‘म आउनुभन्दा अगाडि गाडी किनिएको रहेछ । अहिले त्यो गाडी मैले प्रयोग गर्दै आएको छु ।’
****
दाङको बंगलाचुली गाउँपालिकाले पनि यसअघिका अध्यक्ष चढ्ने गाडी अज्ञात समूहले आगजनी गरेको बहानामा नयाँ गाडी किनेको छ ।
निवर्तमान गाउँपालिका अध्यक्ष भक्तबहादुर वली चढ्ने रा १ झ १५२ नम्बरको गाडी पार्किङस्थलमा आगजनी भएपछि नयाँ गाडी किनिएको छ । गाउँपालिकाका प्रमुख प्रशासकीय अधिकृत चन्द्रकान्त पौडेलले नयाँ गाडी किनेको स्वीकारे ।
****
प्युठानको स्वर्गद्वारी नगरपालिकाले मेयर टेकप्रसाद भण्डारीलाई नयाँ गाडी खरिद गर्ने निर्णय गरेको थियो । तर, संघीय सरकारबाट बजेट कम परेपछि गाडी किन्ने निर्णयबाट पछि हटेको छ ।
नगरपालिकाका प्रमुख प्रशासकीय अधिकृत तुलसीराम गैरेले बजेट अनुदान संघबाट कम आएपछि नगर प्रमुखका लागि गाडी किन्ने निर्णय स्थगित भएको बताए ।
‘हामीले अहिले केही गाडी भाडामा लिएर काम चलाएका छौं,’ गैरेले भने, ‘नयाँ गाडी किन्न सक्ने अवस्था रहेन ।’
केही पहाडी जिल्लाका पालिकाहरूले भाडामा पनि गाडी प्रयोग गरेका छन् । मासिक १ लाख रुपैयाँभन्दा बढी भाडा तिर्ने गरी गाडी प्रयोग गर्ने गरेका छन् ।
अर्घाखाँची, पाल्पा, गुल्मी, प्युठानलगायतका ग्रामीण भेगमा पर्ने पालिकाहरूले भाडामा गाडी लिएर प्रयोग गर्ने गरेका छन् ।
पालिकाहरूले दुई पाङ्ग्रे सवारी (मोटरसाइकल/स्कूटर)मा पनि अत्यधिक रकम खर्चिएका छन् ।
पालिकाका सबैजसो कर्मचारीहरू मोटरसाइकल/स्कूटर चढ्ने गर्छन् । हरेक वडाअध्यक्ष पनि सरकारी मोटरसाइकल चढ्ने गरेका छन् । जसले गर्दा पालिकाको इन्धन खर्चमा मात्रै मासिक लाखौं रूपैयाँ हुने गरेको छ ।
पालिकाका कर्मचारी र पदाधिकारीका लागि सरकारी धन फुर्मासमै सकिएको छ ।
मितव्ययिता अपनाउने आफ्नै घोषित नीतिलाई पन्छाएर स्थानीय सरकारहरूले आवश्यकता र देशको आर्थिक क्षमताको ख्यालै नगरी सवारी साधनमा राज्यकोषको रकम खर्च गरिरहेका छन् ।
सुशासनविद् खेमराज रेग्मीले विभिन्न नाममा स्थानीय तहका जनप्रतिनिधि र कर्मचारीले भौतिक सुविधा लिनु शोभनीय नहुने बताए ।
‘सुविधाभोगी हुनु भनेको संविधानको भावना विपरीत हो,’ रेग्मीले भने, ‘आवश्यकता र औचित्यविना खरिद गरिएको रहेछ भने महालेखा परीक्षकले पनि हेर्न सक्छ । जुन पार्टीमा निर्वाचित भएर जनप्रतिनिधि बनेका हुन्, ती पार्टीले पनि फजुल खर्च गर्न हुँदैन भनेर सचेत गराउनुपर्छ ।’
जनप्रतिनिधि सुविधाभोगी बन्दा जनतामा व्यवस्थाप्रति नै वितृष्णा जाग्ने रेग्मीको भनाइ छ ।
नयाँ गाडी किन्ने त छँदैछ, पुराना सवारी साधनको मर्मत र इन्धनमा पनि अस्वाभाविक खर्च भइरहेको छ । वर्षौं अगाडि बिग्रिएको भनेर थन्क्याइएको गाडी समेत मर्मत र इन्धन नाममा खर्च देखाएर अनियमितता हुने गरेको कतिपय कर्मचारी नै बताउँछन् ।
लुम्बिनी प्रदेशमा १०९ वटा स्थानीय तह छन् ।
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
यातायात कार्यालयका कर्मचारी र बिचौलियाको मिलेमतोमा ठूलो संख्यामा अवैध लाइसेन्स बाँडिएको प्रकरणमा अख्तियार दुरुपयोग अनुसन्धान आयोगले छानबिन शुरू गरेको छ । लिखित र ट्रायल परीक्षा नै नलिई अवैध ढंगले ठूलो परिमा...
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...
निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...
शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...