गएरातिदेखिको अविरल वर्षाका कारण काठमाडौं उपत्यकाका नदीमा आएको बाढी बस्तीमा पसेको छ ।

बाढीका कारण नदी किनारका सुकुम्वासी बस्ती डुबानमा परेका छन् । थापाथली, टेकु र बल्खुका सुकुम्वासी बस्तीमा बाढी पसेको छ ।

धोबीखोलामा आएको बाढी कपन र अनामनगर क्षेत्रका बस्तीमा पसेको छ । 

साथै, बागमती नदीमा आएको बाढीले बल्खुको तरकारी बजार डुबानमा परेको छ ।

बाढी पसेपछि तरकारी बजारका व्यापारीहरू सामान जोगाउन बिहानैदेखि खटेका छन् । 

मध्याह्नको समयमा व्यापारीहरूले स्टलमा जम्मा भएको लेदोसहितको पानी फालिरहेका छन् । 

यस्तो छ, बाढी पसेपछिको तरकारी बजार: